شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو چوارشەممە، باس رەتکردنی لە ئەو دەنگەیل سیاسی عراقیە کرد ک داوای داین باوەتە تەفتیەگەی هەرێم وەگشتی ئەرا دەس حکومەت فیدڕاڵی لە بەغداد.
ئەوەیش لە کۆنگرەیگ رۆژنامەوانی لە پشت دانیشتن ئەنجومەن وەزیران لە شەوەکی ئمڕوو هات.
بارزانی لە کۆنگرەگە وت: عراق رەد بوودە رەوشەیل سەختیگ، و داوا کردیمن داین ٢٥٠ هەزار بەرمیل نەفت لە هەر رووژ، یا وەگورەی ئەرزشەگەی وەگەرد نیمەی داهاتەیڵ مەرزەگان ئەرا دەس حکومەت فیدڕاڵی، بکەفێدە ناو رێککەفتنەگەی هەولێر و بەغداد.
وتیش؛ کرفتەگەمان تەنیا بوودجەگە نییە، بەڵکم گرفتەیلیگ تر دیریمن، جوور خەرجە سەروەریەگان و خانەنشینی و شایستەیل هێزەیل پێشمەرگە و بەرهەمهاوردنەگان.
بارزانی دووپات کرد ک مادەی ١٤٠ لە دەستور هیمان تا ئیسە جیوەجی نەکریاگە، و ئیسە خوازیمن چارەسەری بوودجەگە بکەیمن و جیوەجی دویاترین رێککەفتن ک ئەرای رەسیمنە بکەیمن.
سەرۆک حکومەت هەرێم کوردستان وتیش؛ ژنەفیمن کەسەیلیگ ئووشن؛ گوایە بایەدە هەرێم کشت باوەتە تەفتیەگەی بیەێدە دەس بەغداد، و ئی کارە دەستوری نیبە، و رازی وە پێشێلکردن مافەیل کوردستان نێویمن.