شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو چوارشەممە، بانگواز ئەرا گرنگی سازین دەستوریگ کرد ک بنووڕێدە مافەیل تاک وزۆرینە لە هەرێم، وئامادەیی حکومەتەگەی ئەرا سەرکەفتن دەنگدان لەبان دەستورەگە نشان دا.
ئەوەیش لە وتاریگ لەمەوقەی دەسکردن وە کۆنگرەی (یەکێتی ودەستور) وە چەودێری زانکۆی کوردستان – هەولێر هات وە ئامادەبوین نێچیروان بارزانی سەرۆک هەرێم کوردستان، و رێواز فائق خانمە سەرۆک پەرلەمان و بڕیگ لە سەرکردەیل حزبەیل وکەسەیایەتیەیل سیاسی و ئەکادیمی و نۆێنەرەیل گشت پێکهاتەیل و باڵوێزەیل و نۆێنەرەیل شآندە دیبلۆماسیەکان.
بارزانی لە وتارەگەی وت: یەکێتی وشەی رەنگینیگە و دروشمیگ رەنگینترە. وەلی یەکێتی وەقسە ئەنجام نێریەێد، بەڵکم بایەتە یەکەم جار ئامانجەیلیمان بکەێمنە یەکیگ، و نێوود داوای یەکێتی بکەیمن و ئیمە وەرەو دوو لای جیواز روی کەیمن، وتیش: ئەراوە بایەتە باس ئامانج وەدەسهاوردن یەکێتی بکەیمن ک وەئاسانی ئەنجام نێریەێد ئەگەر گفتوگۆ وەرد یەکەو نەکەیمن و گووش لەیەک نەگریمن تا لەبان ئامانجەیل رێک بکەفیمن، وەیجوورە توانای مقەیەتیکردن یەکێتیمان دیریمن.
بارزانی وتیش: نموونەیل فرەیگ دیریمن ک چەنیگ دەسکەفت وە یەکێتیمان ئەنجام دایمن، جوور یەکیتیمان لە راپەڕین ١٩٩١ و دامەزرانن ئی پێکهاتەی دەستوریە ک ئیسە وەپی گوزەران کەیمن، و هەمیش هەنای واژوو لەبان یاسای بوودجەی فیدڕاڵی کریا، چوین وە یەکێتیمان توێنستیمن یاساگا بخەیمنە ری و مافەیل کوردستان مسۆگەر بکەیمن.
بارزانی هەمیش وت: بایەتە چوارچیوەیگ ئەرا یەکێتیمان بیاشتایمن، و ئی چوارچیوە بایەتە لە ناو دەستور بوود ونەبایەت ئامانجەیلمان وەشیوەیل جیوازیگ بوون، و لایەنیگ داوای سەروەخوەیی بکەێد ولایەنیگ تر ئامانجەیلیگ تر بیاشتاد.
دەربارەی دەستور، سەرۆک حکومەت هەرێم وت: مەزەنە کەم ک توێنیمن ئی چوارچیوە بخەیمنە ناو دەستور، چوینکە دەستور گرنگە ومسۆگەری کەێد، وجەخت کرد لەبان ئەوانەگ نۆێنەرایەتی گەلەگە کەن، ک گرنگە ئەوانە لە سازین دەستورەگە هویر زۆرینە بیاشتان.
وتیش: توێنیمن دەستوریگ دانەیمن وەگورەی خوازینەیل گەلەگەمان، ودووپات کرد ک بایەتە دەستوریگ بسازیمن رێز لە ئاینەیل ونەتەوەیل بگرێد، ومقەیەتی مافەیل گەل کوردستانی وتاک بکەێد.
بارزانی باس ئەوەیش کرد ک هەرچە بکەفێدە گەردن حکومەت ئانجامی دەیمن تا مەردمەگە بەتوێەنن دەنگ بیەنە دەستوریگ وەگورەی خوازین گەل کورد بوود.