سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک نێچیروان بارزانی، ئمڕوو چەوی کەفتە ئەحمەد سەعید زاهری قونسوڵ گشتی ئیمارات.
بەیاننامەگە وتیش: هەردوگ لایەنەگە لەناو دیدارەگە دووپات لەبان قایمکردن پەیوەندیەیل ناوبەین عراق و هەرێم کوردستان وەگەرد دەوڵەت ئیمارات و فراوانکردن هاوکاری ناوبەینیان کردن، و باس رەوش سیاسی و ئابووری و پەیوەندیەیل هەولێر لە بەغداد کردن.
زاهری مکیسیگ فەرمی دادە دەس نێچیروان بارزانی ئەرا سەردانکردن دەوڵەت ئیمارات ک محمد بین زاید ئال نهەیان سەرۆک دەوڵەت ئیمارات ئەرای کلی کردیە.
لە مکیسەگە، ئال نهەیان سڵاو و ڕێزی ئەرا سەرۆک نێچیروان کل کردیە، و دووپات لە گرنگیدان وڵاتەگە وە پەیوەندیەیل وەرد هەرێم کوردستان کردیە، و راگداریی لەبان هاوکاری لە جویراجویر چینەیل، و گواستنەوەی هویرکردن لەباوەت بەرژەوەنیەیل هاوبەش ناوبەین هەردوو لایەن کرد، و نشان دەێد ک ئال نهەیان چەوری پیشوازیکردن لە سەرۆک هەرێم لە ئیمارات کەێد.
لەلای خوەییش، سەرۆک نێچیروان بارزانی وەگەرد کلکردن سڵاو و ڕێزی ئەرا سەرۆک ئال نهەیان، وە خوەشهاڵی مکیس سەردانکردن دەوڵەت ئیمارات قەبوول کرد، و باس گرنگی پەیوەندی دەوڵەت ئیمارات وەگەرد عراق و هەرێم کوردستان کرد.
باوەت بوودجە و یاسای نەفت و گاز ناوبەین حکومەت هەرێم کوردستان و حکومەت فیدڕاڵی عراق، رەوشەیل شنگال، و دویاترین کەسەیل لە ناوچەکە وەگشتی باسەیل ناو ئەو دیدارە بوین.