شەفەق نیوز ـ وەدویاچگن

وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو دووشەممە، کەشوهەوای دوو رووژ ناوچەگەدیاریکرد.

وەڕێوەبەرایەتیەگەلە بەیاننامەیگ راگەیان " ئمڕوو ئاسمان لەکە ئەورە تا نیمەئەور لە ناوچە کویەیل وە تایوەت ناوچەیل سنوور باکوور ئەور تەواوە وەرد کەمیگ نمە واران لەوەخت ئیوارە، و هەمیش لە سنوور پارێزگای دهۆک و ناوچە سنووریەیل خوەرئاوا هاتێ کەمیگ تاوە واران و بەڵاچە  بوود، پلەی گەرمی نزیکە لە توومارەیل دویەکە".

دیاریکرد، "سوو ئاسمان نیمە ئەور وئەور تەواوە وەرد ئەگەر نمە واران کەم جیاجیا لە ناوچەکویەیل لە وەخت شەو کاریگەری نزمە پەستان  دەریایی چەرمگ ناوڕاس رەسێدە ناوچەگەمان سەرەتا نمە واران لە ناوچە سنووریەیل خوەرئاوا وارێد ئەرا رووژ چوارشەممە، کاریگەری درویژەوبوود ئەرا  فرەیگ ناوچەیل".

بەرزترین پلەی گەرمی مەزەنەکریاگوە سیلیزی:

هەولێر: 20 پلەی سیلیزی 

پیرمام: 17 پلەی سیلیزی

سلێمانی: 17 پلەی سیلیزی

هەڵەبجە: 21 پلەی سیلیزی 

چەمچەماڵ: 18 پلەی سیلیزی

دهۆک: 19 پلەی سیلیزی

زاخۆ: 19 پلەی سیلیزی 

ئاکرێ: 19 پلەی سیلیزی 

گەرمیان: 26 پلەی سیلیزی 

حاجی ئۆمەران: 12 پلەی سیلیزی.