شەفەق نيوز- سلێمانی 

بڵەند محمد ئەو گەنجە لەداڵگبوی شار سلێمانی لە هەرێم کوردستان، فێرخواز سەنین ماشینە کوینەیلە، و جویر بەشیگ لە هویرمان ئایەم و میرانی رەنگینی و تەکنیکی زانێدەی، و لەناو ئەو بڕە ماشینەیلیە، ماشینیگ "مێرسيدس بینز" ناوازە لە مودێل ساڵ 1955 دیار دەێد، کە هیمان وە کەشخەیی و هاز خوەی مەنیە، هەرچەن بە 70 ساڵە دروس کریاس.

ئەو ماشینە وە رەنگ سیای کلاسیکی، بزوێنەری بەنزین 1.9 لیترە، و کار وە گێر نۆڕماڵ کورد کە چوار نمرەس، و لە رویەگەی لۆگۆی ناودیار مێرسیدس وەپیەو دیارە، کە هیمان سومبول توکمەیی و کوالیتی ئەڵمانیاس لە جیهان ماشینەیل.

  محمد لە قسەیلی ئەرا ئاژانس شەفەق نیوز ئویشێد: ئی ماشینە یەکیگە لە کویەنترین ماشینەیل عراق و هەرێم کوردستان، کە ئەنتیکەی هونەری دەگمەنە، هیمان رەنگینی و کارکردن خوەی دیرێد، هەرچەن سەردەمیگ وەبانیەو رەد بویە.

 وتیش: مارکەی ماشینەگە وە مێرسیدس بینز 180 Ponton ناسیاس، و لە یەکەمین ماشینەیل کۆمپانیاگە بوی لە دویای جەنگ جیهانی دویەم، و. دیزاین (بونتون) کە ئەو سەردەمە شیوەی نوویگ بوی لە دیزاین لەناو جیهان، کە وە یەک پارچەی هات لە جیای دیزاین جیا لەناوەین بونید و قەمارە.

  وتیش: ماشینەگە هیمان خاس کار کەێد، و لە درویژایی ساڵەیل دەسی لەناوی بویە و مقیەتیی کردگە، و پارچەیل رەسەن و تایەەر و چراخەیل ناو و دەیشت ئەرای هاوردیە.

  دیاری کەێد کە لە بەشیگ لە پێشانگایەیل ناوخوەیی ئەرا ماشینەیل کلاسیکی بەشداری کەێد، و ماشیندووسەیل گرنگی فرەیگ وەپی دەن.

محمد لە کۆتایی قسەیلی ئویشێد: ئی ماشینە تەنیا ئامارزیگ نییە ئەرا هاتن و چگن، ئی ماشینە پارچەیگە لە میژوو، و رەنگینەیل جارانی و ئەو رەسنەیایەتیە خەێدە هویرمان کە لە ماشینەیل ئمڕوو پەیا نیەوون.