لە ساعەت هەشت شەوەکی لە گشت مەکتەوەیل هەرێم لە ری مەراسیمیگ ئاهەنگێران وەئامادەبوین وەرپرس و بڕیگ لە کادرەیل پەروەردەیی زەنگ کوتیا.
ئاژانس شەفەق نیوز لە ئاهەنگ وازکردن یەکیگ لە مەکتەوەیل شار سلێمانی ئامادەبوی، کە وەڕیوبەر گشتی پەروەردەی خوەرئاوای سلێمانی بەناز رەمەزان وتار پیشکەش کرد، پیرۆزبایی لە قوتابی و خوێندکار و مامووسایەیل کرد وەبوونەی ساڵ نووی خوەنستن، هیوای سەرکەفتن ئەرا گشتی خوازی.
هەمیش دەسخوەشی لەو مامووسایەیلە کرد لەبان ری پەروەردەکردن و فێرکردن مەننە سەرەڕای ئەو قەیرانە کە ماوەی چەن ساڵیگە هەرێم کوردستان وەخوەیەو دیە، هەمیش سوپاس خێزان قوتابی و خوێندکارەیل و وەزارەت پەروەردەکرد.
وەڕیوبەر گشتی پەروەردەی خوەرئاوای سلێمانی داوای لێبوردن لەو مامووسایەیلە کرد کە ئامادەی نەبوین لە بەشداریکردن لە زەنگ کوتان ساڵ نووی خوەنین لەوەر قەیران مووچە و ئەو خێزان خوێندکارەیلە کە لەوەر قەیران دارایی مناڵەیلیان کلنەکردنە، و داوا لە حکومەت کەێد وە زویترین وەخت موچەی مانگ تەمووز و ئاب وەپیان بیەێد.