شەفەق نیوز/ روح الله لەتیفی قسەکەر وه‌ناو گمرگەیل ئمڕوو چوارشەممە لە هاوردن کاڵا وە ٧٢٦٤ ماشین بار له ئیرانه‌و ئەرا عیراق لە ماوەی سێ روژ وەرین خه‌وه‌ر دا.
ئاژانس ( فارس) ئیرانی لە زوان لەتیفی وت؛ مەرز پەرویزخان له خوەراوای ئیران فرەترین قەرەباڵغ بووین وه‌خوه‌یه دەیە و٢٧٨٦ ماشین بار لەی ماوە گوزه‌ر له لی كردنه، ودویای ئەوە مەرز باشماخ وە ٢٣٧٧ ماشین و تمرجین وە ١٤٩٩ ماشین لە هاوردن کاڵاو شمەکەیل لە ئیرانەو ئەرا عیراق.
وتیش؛ سنورەیل عیراق و ئیران وەبونەی پەتای ڤاێڕۆس کۆڕۆناو بەسیانە، بیجگە ئەوانەیگ هانە ناو هەرێم کوردستان، ک بڕیگ پڕۆتۆکۆل و بڕیارەیل تەندروسی خستنەسە بان هاوردن بارەیل ئیرانی، وکار بازرگانی لەبان ئەو رێنماییه‌یله کفتیەسە ری وەلی وەیەواشی، چوین له شوون بەسینان ئەو مەرزەیلەگە هانه خوارگ عراق، بازرگانەیل ناچار روو له مەرزەیل کوردستان كردنه، یەسە ک ریەگە دویرەو بویە، و رز وسان ماشینه‌یل لەبان سنورەگە دریژەو بویە.