شه‌فه‌ق نيوز/ وه‌زاره‌ت ته‌ندروستى له‌ حكومه‌ت هه‌رێم كوردستان ئاشكراى تۆماركردن 44 حاڵه‌ت تر تازه‌ كرد وه‌ ڤايرۆس كۆرۆنا له‌ ماوه‌ى 24 سه‌عات گوزه‌يشت ك زوورميان له‌ هه‌ولێرن.

له‌و باوه‌ته‌و، وه‌زاره‌ته‌گه‌ له‌ به‌ياننامه‌يگ وت: هه‌ولێر 41 حاڵه‌ت تويشهاتن وه‌ ڤايرۆس كۆرۆنا تۆمار كردگه‌، 17 ژن، 15 پياگ، 9 مناڵ له‌ ته‌مه‌نه‌يل جياجيا.

باس له‌وه‌يش كرد ئه‌و حاڵه‌ته‌يله‌ ك تۆمار كريانه‌، دووان له‌لى له‌ قه‌زاى سۆران، 3 له‌ ناحيه‌ى سيده‌كان، يه‌كيگ له‌ ئاوايى هه‌ڵه‌بجه‌ى بويچگ، ئه‌و 35 حاڵه‌ته‌گه‌يش دابه‌ش بوينه‌ له‌ ناوچه‌يليگ له‌ هه‌ولێر ك پيكهاتنه‌ له‌: كانى گڵ، ئاڵتون ستى، شێخ ئه‌حمه‌د، كارێزان، زانكۆ، چنار، مامۆستايان، و 121 گوڵان و زيلان ستى.

جى باسه‌، يه‌يش ده‌رخست ك 3 حاڵه‌ت تويشهاتنيش له‌ سلێمانى تۆمار كريانه‌ و گشتيانيش ژن بوينه‌ له‌ ته‌مه‌نه‌يل (٢٨)، (٢٤)، (٢٠).