شه‌فه‌ق نيوز/ له ئه‌نجام ته‌قينه‌وه‌ى بوتڵه غازيگ له هۆڵيگ هاوسه‌رگيرى له شار سه‌قز سه‌ر وه پاريزگاى كوردستان له خوه‌رئاواى ئيران، 12 كه‌س كوشيان و 100 كه‌سيش زه‌خمدار بوين، جوور ئه‌وه‌گ ته‌له‌فزيۆن فه‌رمى وڵاته‌گه ئاشكراى كرد.
له‌ى باوه‌ته‌و، كه‌ناڵ "خه‌به‌ر" له زووان سه‌رچه‌وه‌يليگ ئه‌منى و پزيشكى له شار سه‌قز وت: دويه‌شه‌و له سه‌عا 10ى شه‌و بوتڵيگ غاز له هۆڵيگ هاوسه‌رگيرى ته‌قيه‌سه‌وه‌و 12 كه‌س كوشتگه‌و 100 كه‌س زه‌خمدار كردگه ك زوورميان مناڵن.
لاى خوه‌ييشه‌و, حسێن وه‌ش ئقبال ياريده‌ده‌ر سياسى و ئه‌منى حاكم پاريزگاى كوردستان، ئه‌را ئاژانسه‌يل هه‌واڵه‌يل ئيرانى وت: شماره‌ى كوشياگه‌يل ره‌سيه‌سه 11 كه‌س و زه‌خمداره‌يليش 34 كه‌س له ئه‌نجامه‌يل به‌رايى بيجگه كه‌فتنه‌وه‌ى زه‌ره‌ده‌يل ماددى.