شەفەق نیوز/ سەرچەوەیگ ئەمنی، ئمڕوو یەکشەممە، خەوەردا ک فڕۆکەیل جەنگی تورکیا پەلامار شوینەیل پەکەکە دان لە ناوچەیلیگ لە قەزای شێخان خوەرھەڵات شار دهۆک.
سەرچەوەگە ئەرا ئاژانس شەفەق نیوز وت: پەلامارەگە دوو گلە لەبانیەک دویای نیمەڕو ئمڕوو بوی.
سەرچەوەگە دیاری کرد ک پەلامارەگە دەورگرد ئاوایەیل میرسیدا و بیرو و باسفرا لە ناحیەی ئەتروش باکوور قەزای شێخان کردە ئامانج.
سەرچەوەگە دیاری کرد ک ئی پەلامارە ئاگر لەناو دارسان و باخەیل ناوشەگە کردەو، کە زەرەد گەورەیگ وە خەڵک ناوچەگە رەسان.