شەفەق نيوز/ سەرچەوەیگ ئەمنی لە دهۆک، ئمڕوو چوارشەممە، خەوەردا کە هیزەیل تورکیا پەلامار سەختیگ وەبان شوینەیلیگ لە زنجیرەی کویەی مەتین لە قەزای عمادیە باکوور پارێزگاگە جیوەجی کردن.
سەرچەوەگە ئەرا ئاژانس شەفەق نیوز وت: پەلامارەگە دووڵ ميوين نزیک ئاوای بلافە کردە ئامانج، کە لەورا ئەشکەفتەیلیگ هەی کە جویر پەناگە ئەرا ئەندامەیل پەکەکە وەکار تیەن.
لەلای خوەییش، چالاکوان نەجیب بلافەیی ئەرا ئاژانس شەفەق نیوز دووپات کرد کە ئەو پەلامارە لەلایەن تورکیا شوینەیل پەکەکە کردنە ئامانج، وەلێ باس بڕ زەرەدەیل ئەو گورزە نەکرد.
سوپای تورکیا، لەی مانگەیل دویاییە گورزەیل ئاسمانیی و تووپەیلی وەبان ئی ناوچەیل سەختە خەسەو کردیە.