وەگورەی راپۆرت ئاژانس خەوەرەیل کتاو ئیران (ئيننا) لە ئیلام، و ئاژانس شەفەق نیوز ئەڵگەردانی کرد، نویسەر ئی کارە یەکیگ لە تۆێژەرە پسپۆڕە گورجەیلە لە زاراوەی دەهلرانی و یەکیگە لە ئەندامەبل سەرەکی لە پەیمانگەی زاگرۆس، و ئی کتاوە بڵاو کرد تا بوودە سەرچەوەیگ ئەرا هەر کەسیک گرنگی وە زوان کوردی پەهلەوی دەێد.

راپۆرتەگە دیاری کەێد کە ئی کتاوە وە زوان فارسی و کوردی نویسیاس و توێژینەوەی ربزوان هاناوی، جویر شیوەیل کراکارەیل و واژەیل، و دەق کارەگە وەگەرد زوان کوردی نموونەیی پووڕیاس، و دیاری کرد کە لە کۆتایی نویسەرەگە رەسیە ئەنجام ئەوە کە زوان کوردی پەهلی فرەترین نزیکە لە لق سەرەکی ژوان کوردی، کورمانجی، وەچەو ئەو زاراوەیل کورد، چوینکە لە نووڕین میژووی، ئێڵ کوردەلی کوینە و رەسەن هانە کوردستان سوریا و پارێزگای باتمان لە شار حەسەن کیف کە مبژووی چوودەو ئەرا دە هەزار ساڵ.

وەگورەی راپۆرتەگە، نامدار جابری نویسەر، توێژەر و ماموستای کورد پەهلیی، لە ساڵ ١٩٧٦ لە شار دەهلران لە پارێزگای ئیلام لەداڵگبویە.

بڕوانامەی زانکو لە تەکنەلۆژیای زانیاری و پەیوەندییەیل وەدەس هاورد، لەوەر گرنگیدانی وە زوان کوردی ژوان داڵگیی، واز لە خوەنەواری ئەندازیاری هاورد، و کەفتە فتراق یاسایل زوان کوردی و ئەدەب و فلکلۆر کورد، و بڕیگ کتاو فێرکردن و چیرووک مناڵ دەرکرد، و یەکەمین کتاو یاسایل زوان کوردی پەهلی..

ئی نویسەرە چەن کتاویگ ترەک دیرێد ئامادەن ئەرا بڵاوکردن و وتارەیلی لە گۆڤارەیل بڵاو کریان، و چالاکیەیلی جویر ئەندام لە دەسەی ناوجیکردن خول پەنجەم فیستواڵ هاژە مەهاباد نیشتمانی ئەرا چیرووکەیل کوردی، و ئەندام لە یەکەمین کۆمەڵگەی شیعر و ئەدەب لە دەهلران، و ئەندام لە پەیمانگەی زاگرۆس و مامووستایی زوان کوردی پەهلەوی وەبان ئینتەرنێت.