شەفەق نيوز/ پیەڵ  گاميشان یەکیگە لە ئاسەواریەیل میژووی لە پارێزگای ئیلام فەیلی، کە کەفتیەسە وەر رمیان لەوەر ئەوە کە گرنگی وەپی نیریەێد.

 پیەڵ میژووی گامیشان  لەبان چەم سمێرە دروس کریاس، و ئەگەر دەسەڵاتەیل ناوخوەیی و حکومەتی نەکەفنە فتراق گرنگی خاسەوکردنی وەنە لەناوچوود.

وەگەرد نەوین گرنگیدان وە خاسەوکردن ئی پیەڵ میژووییە، هیچ تەقەلایگ نییە ئەرا ناسانن خوەی و گرنگیی تا گەشتیارەیل ئەرای بان و بکەنەی بەرهەمیگ ئەرا خزمەتکردن ناوچەگە.

 جی باسە کە  گامیشان ئەو پیەڵە لەناو 25 پیەڵ جویر میراتییگ میللی وەلایەن ریخریاگ میرات کەلتووری توومار کریا، وەلێ هیچ تەقەلایگ دویای ئەوە دیار نەوی ئەرا مقیەتیکردنی.

 سەرچەوەیل میژووی نشان دەن کە پیەڵ گامیشان لەبان چەم سمێرە لە شار درە شەهر لە سەردەم قاجاری بینا کریاس و درویژیی رەسێدە 175 متر وەپانی 8 مەتر و20 سانتیمەتر.