شەفەق نیوز ـ سلێمانی
دەسەڵاتدارەیل پەیوەنیدار لە پارێزگای سلێمانی، ئمڕوو سێشەممە، راگەیان دوو خرس (نیر و ما) ئەرا ژینگەی سروشتی خوەیان گلەودریان لە دەشتایی و ئازادکریان لەدویای پەیاکردنیان لەناو ماڵیگ چووڵ لە ناوچەی "گەرمک".
وەڕێوەبەرایەتی پۆلیس دارستان و ژینگە، لە بەیاننامەیگ رەسیە ئاژانس شەفەق نیوز ، راگەیان، هێزەیل ئاسایش سلێمانی دوو خرسەگە لە ناو ماڵیگ چووڵ کردنە و ئاگادار وەڕێوەبەرایەتیەگە کریاس تا رێکار ژینگەیی و یاساییە پوڕیاگەیل ئەرایان بگیریەێد.
لە بەیاننامەگە هاتییە، پرۆسەی ئازادکردنیان لەبان بنەمای بڕیار دادگا وەلایەن دادگای لێکۆڵینەوەی "سەید سادق"ەو ئەنجامدریا، وە چەودێری مەیدانی بەش پۆلیس دارستان و ژینگە لە قەزاگە و وە هەماهەنگی وەرد ئاسایش و بنکەی پۆلیسی دارسان لە ناوچەی "خورماڵ". هنای دڵنیابوین لە ناوچە جۆگرافییەگە ئەرا گواستنەوە و ئازادکردن دوو خرسەگە وە شیوەیگ بیوەی.