شەفەق نیوز/ دەزگای لوتکە ئەرا کاروبار ئاوارە و پەنابەرەیل، راگەیان لە رووژەیل 27 و 29 ئی مانگە تەرم نۆ کووچبەر کورد ک لە دەریای ئیجە خنکیاەن  ئەرا هەرێم کوردستان گلەو دریەن، ک لە هەشت ژن و پیاویگ هاناویان.   

شێخ حسێن حەمەساڵح، نۊنەر دەزگاگە لە یۆنان راگەیان: بڕیارە تەرم چوار لە قوربانیانییەیل لە ئەسینای پایتەخت یۆنان  بخریەێدە ری و  لەئیوارەی 29 کانون دۊیەم 2022 برەسنە فڕۆکەخانەی ناودەوڵەتی هەولێر و ڕادەس کەسوکارەیلیان بکریەێد.   

وتیش، تەرم پەنج قوربانی تر لە گەشت دۊیەم خریەێدە ری و ئێوارەی 1ی شوبات رەسێدە فڕۆکەخانەی ناودەوڵەتی هەولێر.     

سەرۆک دەزگای لوتکە وت، وەلایەن دەزگای لوتکە لەمەوقەی روداوەگە فایل تایبەت ئەرا قوربانەیل ئەو ڕووداوە وازکریایە و دریاسە دەس فەرمانگەی پەیوەندیەیل دەرەوەی حکومەت هەرێم کوردستان.    ئاری جەلال وتیش، خەرج گلەوداین تەرمەیلە وەلایەن سەرۆکایەتی ئەنجومەن وەزیران هەرێم کوردستان دابینکریایە.