شەفەق نیوز/ پسپۆریگ کەشناسی کورد، ئمڕوو شەممە،  مەزەنە کرد ناوچەیل هەرێم کوردستان بکەفنە وە شەپۆل نوویگ لە واران و وەفر، وەگەردی پلەی گەرمی لە ئاست خوەی لە ماوەی دوو رووژ ئایندە داوەزێد. 

شاڵا هیدایەت لەبان فەیسبووک پۆستیگ نۊسان و ئاژانس شەفەق نیوز نووڕیەسەی وت: ئاسمان ناوچەیل هەرێم کوردستان، ئمڕوو شەممە،  لەناوبەین نیمچە ئەور و پڕ ئەور مینن، و لە خود وەختەگە مەزەنە کرد نمە وارانیگ بوارێد وەگەرد دەرفەتیگ ئەرا وەفروارین لە بەشیگ لە ناوچە کۊیەیلەیل سنووری.  

هیدایەت وتیش: کەشوهەوای رووژ یەکشەممە خەسی لە ئەورەیلە وەخوەی دۊنێد،  وەگەرد واران لە چەن ناوچەیگ، و داوەزین لە پلەی گەرمی،  و مەزەنەیش کرد واگە تونەو بوود وەگەرد هەڵسان تووز وە شیوەی کەمیگ تا وەگەرد هاتن وارانیگ تر کۆتایی بارێد. 

و دیاری کرد ک شەو یەکشەممە لەبان دووشەممە،  ناوچەیل هەرێم کوردستان کەفنە وەر شەپۆلیگتر لە واران و وەفر ک گشت ناوچەیل هەرێم کوردستان و گەرمیانیش گرێدەو، و هەمیش وەگەرد پارێزگای کەرکوکیش، و دیاری کرد ک ئی شەپۆلە لە دەریای ناوەڕاس هاتگە، تا کەشوهەواگە بکەێدە زمسانی.