شەفەق نیوز/ کۆمپانیایەیل دابینکار دەرمان خەسخانەی هیوا ئەرا چارەسەرکدن بیماریەیل شێرپەنجە لە سلێمانی، ئمڕوو سێشەممە، راگەیان دابینکردن دەرمان ئەرا خەسخانەگە وسیایە چوینکە سێ ساڵە پویل وەرنەگردنە، ئەرا وەردەوامبوین بایەت بەشیگ لەو بڕە پویلە بیەن.
ژیوار عەبدولرەحمان سەرۆک یەکیگ لە کۆمپانیاگان دەرمان لە کۆنگرەیگ رووژنامەوانی ک ئاژانس شەفەق نیوز ئامادەبوی راگەیان، " کۆمپانیاگان دەرمان ماوەی سێ ساڵە کارکەن جویر کاریگ ئەخلاقی دەرمان ئەرا خەسخانەی هیوا دابین کەن، باوجی حکومەت پویل ئەو دەرمانەیلە نەیاگە بیجگە لەو شمارەیلە رەسنە هەشمار بانکیەیلمان وەبی کلکردن پویل.
وتیش" ئمڕوو کلکردن دەرمان ئەرا خەسخانەی بیماریەیل شێرپەنجە هیوا وسنیمن، لەوەر خەرجنەکردن هویچ پویلیگ ک کۆمپانیاگەمان پێویستی وەپیە ئەرا کرای کراکارەیل و دابینکردن پێداویستیەلتر ک لەناویشی دابینکردن دەرمانە.
ژیوار داوا لە حکومەت هەرێم کرد" بەشیگ لەو پویلە ئارا کۆمپانیاگان دابین بکەێد ئەرا وەردەوامبوین لە کارەلیان" دووپاتکرد" لە وەخت وسانن دابینکردن دەرمان مەترسی لەبان زندگی دەیان بیمار دروس بوود".