شەفەق نیوز/ یەکێتی نیشتمانی کوردستان، ئمڕوو شەممە، راگەیان لە ئاڕاستەکردن یادداشتیگ ناڕەزایی ئەرا هێزە سیاسیەگان ئەرا ئاڵشتکردن ئەو رووژە ک پێشنیار کریاگە جوور رووژیگ نیشتمانی ئەرا عراق.
جەمال شکر نۆینەر لە یەکێتی ئەرا ئاژانس شەفەق نیوز وت: رەحمەتی مام جەلال ئەرا دوو درورە سەرۆک کۆمار عراق بوی، و ئەندام ئەنجومەن حکم بوی و دەور دیاریگ داشت لە دروسکردن حکومەت دویای ٢٠٠٣.
وتیش؛ پەسەندکردن ساڵیاد مردن جەلال تاڵەبانی جوور رووژیگ نیشتمانی ئەرا عراق، ئەرا ئیمە زیاندارە، ک بایەدە هێزە سیاسیەگان رێز لە مێژوو و مردن تاڵەبانی بگرن، هەرچەن ئی رووژە رێککەفێد وەگەرد کۆتایی ئینتداب بریتانیا، و ریداین وە ئەندامیەتی عراق لە نەتەوە یەکگرتووەکان.
شکر هەمیش وت؛ یەکێتی نیشتمانی کوردستان یادداشتیگ داگە هێزە سیاسیەگان ئەرا دووارە نووڕستن وە پەسەندکردن رووژ نیشتمانی عراق، ودیاریکرد ک ٣ی تەشرین یەکەم ساڵیاد مردن جەلال تاڵەبانی سەرۆک کۆمارە.
نۆینەر یەکێتی نیشتمانی کوردستان ئاماژەکرد ک بایەدە هێزە سیاسیەگان رووژیگ تر پەسەن بکەن و بگونجیەێد لە رووژ دامەزرانن دەوڵەت عراق تا ئەمروو، بیجگە ٣ی تەشرین یەکەم.