شەفەق نیوز/ ئەنجومەن مامووسایەیل ناڕازیی، ئمڕوو دووشەممە، ئاشکەرایکرد شمارەیگ مامووسا وەلایەن وەڕێوەبەرایەتیەیل ناوەن سلێمانی سزادریانە، دووپاتکرد ئەو سزایلڵ نایاسایین.
ئەندامیگ ئەنجومەن ماموسایەیل ناڕازی عوسمان گولبی، لە بەیانیگ وە ئاژانس شەفەق نیوز وت "زیاتر لە 1000 مامووسای بنەڕەتی و ئامادەیی لەماوەی دە رووژ کۆتاییە سزادریانە وەلایەن وەڕێوەبەرایەتیل پەروەردەی سلێمانی".
وتیش "یاسا ری دەێد وە سزادان ماموسایگ ئەگەر سێ رووژ لەدویای یەک ئامادەنەوود وەبی هویچ بیانوویگ فەرمی، ئیرنگە هویچ بیانوویگ لە دیرکەفتن مووچەی فەرمانبەرەیل حکومی گرنگتر نییە"، دووپاتکرد "ئەنجومەنەگە شمارەیگ پارێزەر خوەیبەخش دیرێد کە دەسکردنەس وە پیشکەشکردن تانەی یاسایی دژ وە ئەو سزایەیلە".
لە باوەت جویر سزاگان ئاشکەرایکرد لە جویر "ئامادەنەوین و گواستنەوەس"، دیاریکرد " ئەو سزایەیلە بی ئاگاداربوین نیەود وەشیوەی سروشتی سەر وە وەڕێوەبەرایەتیەیل پەروەردەس".