شەفەق نیوز/ وەڕێەوبەرایەتی پۆلیس پارێزگای هەولێر، ئمڕوو چوارشەممە، خەوەردا لە کوشیان کەیوانویگ  وەدەس کورەگەی لە ناوچەی بەحرەکە. 

پۆلیس لە بەیاننامیگ وت، هێزەیل پۆلیس وەڕێەوبەرایەتیەگە دۊیەشەو ئاگادار کریانەو لە پسای کوشیانیگ لە ناوچەی بەحرەکە وەکوتپڕ رەسینە شۊن روداوەگە، ئسفاکردن ژنیگ کەیوانو وە چەقوو کوشیاگە وە لایەن کورەگەی، وەگورەی راپۆرتەیل پزشکی کورەگەی بیماری دەرۊنی دیرێد.

لە بەیاننامە ئاشکەرایکرد، ژنگەگە تەمەنی ۷۰ ساڵە ناوی (هەمین عەبدوللا محەمەد ئەمین) کورەگەی (ھ . ز. خ) تەمەن ۳٦ ساڵ، وە لایەن هێزەیل پۆلیس دەسگیر کریاگە، پەرەی لێکۆڵینەوە ئەرای وازکریا.