شەفەق نیوز/ دەسەڵاتە ئەمنیەگان، ئمڕوو جمعە، تەرم دوو کەس دینەو لەناو ماڵەگەیان کوشیانە، لە یەکیگ لە گەڕەکەیل ناوەند پارێزگای هەڵەبجە.
سەرچەوەیلیگ ئەمنی خەوەردانە ئاژانس شەفەق نیوز ک هێزەیل پۆلیس، شەفەق ئمڕوو، روی کردنە ماڵیگ دویای وەرگردن خەوەرداین وە تاوان کوشتنیگ لە گەڕەک شارەوانی لەناوڕاس شار هەڵەبجە، و تەرم (د، ش) و (ه .ئ ) دینەو ک وەدەس نەناسریاگەیلیگ لەناو ماڵەگەیان کوشیانە.
وەگورەی سەرچەوەگان؛ تا ئیسە هووکارەیل رووداوەگە نەزانریاگن، و پۆلیس لێکۆڵینەوەیگ ئەرا ئاشکراکردن ووردەکاریەیل تاوانەگە کردنەو.