شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، وەگەرد توبیاس ليندنر، وەزیر دەوڵەت لە وەزارەت دەیشت ئەڵمانیا گردەو بوی، ئەوەیش لە وەردەوامی دیدارەیلی و گردەوبوینەیلی لە کۆنفرانس ئاسایش میونشن.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە باس پەیوەندییەیل ناوەین عراق و هەرێم کوردستان وەرد ئەڵمانیا کریا، و شیوەیل پاڵپشتیکردن هاوکاری هاوبەش لە جویراجویر چینەیل، و هەردوگ لایەن باس رەوشەیل سوریا و کەشەیل ناوچەگە وە گشتی کردن.
هەردوگ لایەن دووپات لەبان گرنگی مقیەتیکردن ئارامی و ئاسایش لە سوریا کردن، و گرنگی بەشداریکردن گشت پیکاتەیل لە ئیدارەی وڵاتەگە و بیناکردن بانانی، و لەی باوەتە سەرۆک نێچیروان بارزانی دووپات لە گرنگی مقیەتیکردن پایە و مافەیل گەل کورد و گشت پیکاتەیل لە سوریا کرد.