شەفەق نیوز/ وەڕێەوبەرایەتی هاتوچو ئیدارەی ناوچەی " گەرمیان" ، ئمڕوو دووشەممە، راگەیان لەماوەی شەش مانگ یەکەم ئمساڵ، زیاتر لە 200 رویداو توومارکریاگە، رێژەی رویداوەیل ماتورسکیڵەیل زیاتر لە 40٪ بویە.
سامان عەلی قسەکەر فەرمی وەڕیەوبەرایەتیەگە لە بەیاننامەیگ ک ئاژانس شەفەق نیوز دیەسێ راگەیان، لەماوەی شەش مانگ یەکەم 220 رویداو هاتوچوی توومارکریاگە، 93 گلەێ رویداوەیل ماتورسکێڵ بویە ک 42٪ رێژەی رویداوەیلە.
وتیش، لەئەنجام ئی رویداوەیلە 6 کەس مردیە و 4یان رانندە بوینە و 2یش سەرنشین، 96 هاوڵاتیش لەی رویداوەیلە زەخمداربوینە.
ئاشکەرایکرد، فرەیگ لە ماتۆرسکیڵەیل بی شمارەن و مولەت رانندگی نەێرن.