شەفەق نیوز/ عەبدولڵا ئاکرێی وەڕیەوبەر پەیوەندیەیل هەرێم کوردستان وەرد ئیران، ئمڕوو شەممە، راگەیان خەڵک هەرێم کوردستان توەنن وەبی ڤیزا بچنە ناو زەوی ئیران.
ئاکرێی ئەرا ئاژانس شەفەق نیوز وت: لە سوو یەکشەممەو هاووڵاتییەیل توەنن وەبی ڤیزا بچنە ناو ئیران، ک بڕیار هەڵگردن ڤیزا کەفێدە ئاست جیوەجیکردن.
وتیش: بڕیارەگە ناوبەین حکومەت هەرێم کوردستان ولایەن ئیرانی لەبانی ڕێک کەفتن، و دیاری کرد ک هاووڵاتییەیل توەنن لە گشت مەرزەیل سنووری بچنە ناو ئیران و تا ماوەی یەک مانگ وە پاسپۆرت وەبی ڤیزا لەناوی بمینن.
ئاکرێی وتیش: ئی بڕیارە ئەرا هەردوگ لایەنەگە گرنگە.