شەفەق نیوز/ وەڕیوبەرایەتی گشتی کاروبار مین لە پارێزگای سلێمانی، ئمڕوو جومعە، خەوەردا مەدەنییگ وە تەقیان مین لەبان زەوی لە قەزای "پێنجوین".
رویداوەگە لە ساعەت 7 شەوەکی لە ئاوای"هۆشیاری" رویدایە سەر وە قەزای "ناڵپارێز" وەپای ئەو بەیاننامەیە وەڕیوبەرایەتیەگە دەریکردیە.
وەپای بەیاننامەگە قوربانیەگە دانیشتگ ئاویەگەس ناوی ( موقداد قادر حەسەن)ە، دەسوەجی لەشوین تەقیان مینەگە گیان لەدەسدایە.
لە رویداویگتر، کەسیگ وە گولەی راستەوخۆ گیان لەدەسدایە لە نزیک مزگەفت گەورە ناوڕاس شار سلێمانی.
وەپای ئەو زانیاریەیلە وەردەسن، رویداوەگە ساعەت پەنج شەوکی ئمڕوو رویدایە، پیاویگ 60 ساڵان وە زەخمداری نزیک مزگەفت گەورەی سلێمانی وە زەخمداریبوین وە گولە پەیاکریایە.
وەپای زانیاریەیل لەدویای کلکردن پیاوەگە ئەرا خەسخانە، لەوەر سەختی زەخمداریەگەی لەورا گیان لەدەسدایە.