شەفەق نیوز/ وەڕێوەبەرایەتی پۆلیس پارێزگای سلێمانی، ئمڕوو دووشەممە، خەوەردا پیاویگ وە چەقوو دیەتەگەی کوشتیە لە قەزای پێنجوێن.
وەڕێوەبەرایەتیەگە لە بەیاناامەیگ ئاژانس شەفەق نیوز دیەسێ راگەیان، لەدویای پەوەگ هێزەیل پۆلیس خەوەردارکریان لە رویداو کوشیان دویەتیگ وەبان دەس باوگی، دەسوەجی دەسکریا وە لێکۆڵینەوە، دەرچگە باوگەگە وە چەقوو پەلاماردویەتەی دایە و وە سەختی زەخمداری کردیە لە خەستەخانە گیان لەدەسدا.
وەپای بەیاننامەگە، لەدویای وەرگردن بڕیاڕ دادوەر و مینەکردن توومەتبارە، مەفرەزەیل بنکەی پۆلیس "پێنجوین" توەنستن لە کەمتر لە دوو ساعەت وە دەسمیەتی هێزەیل ئاسایش دەسگیری بکەن.
لە بەیاناامەگە وتیش، توومەتبارەگە ناوی (ع، م، م لەداڵگبوی 1971)یە ئیرنگە وەپای فەرمان دادوەر دەسگیرکریاس وەپای مادەی 406 لە یاسای سزادان عراقی، لێکۆڵینەوەیل سەرەتایی ئاشکەرایکردنە کە توومەتبار لەوەر گیچەڵ کۆمەڵایەتی دویەتەگەی کوشتیە.