شەفەق نیوز/ قسەکەر پۆلیس هەولێر، موقەدەم هۆگر عەزیز، ئمڕوو پەنجشەممە، راگەیان دو چزدەر دەسگیرکردنە ک گوایە ئەندامن لە دەزگای ئەمنی.  

هۆگر عەزیز لە کۆنگرەیگ روژنامەوانی ک ئاژانس شەفەق نیوز چەودێری کرد راگەیان، تۆمەتبارەیل چز دویەتیگ دانە و هەڕەشەی دانە  وە دەزگایگ ئەمنی ئەرا وەرگردن بڕیگ پویل لەلی، بانگەشەی ئەوە کردنە سەر وە یەکیگ لە دەزگایل ئەمنین تا لەتاو رخ نەتوەنێد هویچ کاریگ بکەێد. 

وتیش تاوانبار یەکەم خەڵک شار سلێمانیە و دانشتگ شارۆچگەی " قەرەهەنجیرە"  چز دویەتەگە دایە لەری شمارە مۆبایل و ئەپلکەیشن " ڤایبەر" پەیوەندی کردیە و داوای بڕیگ پویل لەلی کردیە.  وتیش، لەری دویەتەگە توینستیمن کوڵیگ ئەرا بگریمن و هەنای  ئەرا هەولێر تیەێد دەسگیری بکەیمن و لەهەمان وەخت ئەو کەسەیش وەگەردیا دەسگیر کریا ک ئاسانکاری ئەرای کرد، ک دانشتگ هەولێرە و ماتۆرسکیل ئەرای دابین کردیە. 

دیاریکرد، وەپای مادەی 421  لە یاسای سزادان عراقی دەسگیرکریایە.