شەفەق نیوز/ وەڕیەوبەرایەتی پۆلیس هەولێر، ئمڕوو جومعە، خەوەردا لە دەسگیرکردن باندیگ وە توومەت رفانن کەسیگ و داوای 250 ملیۆن دۆلار ئەرا ئازادکردنی.
قسەکەر پۆلیس هەولێر هۆگر عەزیز لە کۆنگرەیگ رووژنامەوانی ک ئاژانس شەفەق نیوز ئامادەی بوی راگەیان، لە بڕوار 20/3 هاوڵاتییگ وە رەگەز عەرەب وە لایەن سێ کەسەو رفیاگە ک مکیسی کردوێن ئەرا قەزای شەقڵاوە.
وتیش، " بڕفنەیل چوار رووژە ئەو هاوڵاتیە رفاننە و لە خێزانەگەی داوای 250 هەزار دۆلار کردنە لە وەرانوەر ئازادکردنی".
دیاریکرد" پۆلیس هەولێر تیمیگ تایبەت ئەرا وە دویاچگن دۆسیەگە دروسکردیە، و دوو کەس لە ئەندامەیل باندەگە دەسگیرکردنە ک هاوڵاتی کوردن، کەسە رفیایەگە ئازادکردیە، کەس سێیەم ک عەرەبە وایە ئەرا شوین نادیاریگ".