شەفەق نیوز/ پۆلیس پارێزگای هەڵەبجە، ئمڕوو جمعە، باس ووردەکاریەیل نوویگ لەباوەت رووداو کوشتنەگە کرد ک رەسیە دوو کەس لەناو ماڵیگ، و ئاشکرای شناسنامەی قوربانیەگان کرد، بەڵکم تا ئیسە نەڕەسیە هووکارەگانی.
موقەدەم بەرزان عوسمان قسەکەر وەناو پۆلیس لە کۆنگرەیگ رۆژنامەوانی ئمڕوو وت: شوون گولە لە لەش دوو قوربانیەگە بوی، و یەکیگیان لە تەمەن ٤١ ساڵانە وەناو دیوان حەمە شەریف، و ئەواکە لە تەمەن ٢٢ ساڵان وەناو هۆکار بەختیار، ک هەردوگیان کەسوکار یەکن، و لە تایفەی کاکەیین، و دوو تەرمەگە ئەرا پزشک دادوەری رەوانە کریان.
وتیش؛ تا ئیسە دیار نییە چ هووکارەیلیگ هانە پشت ئی روەداوە، و لێکۆڵینەوەگان وەردەوامن، و دیاریکرد ک کوشتنەگە وەشەو بوبە، و نێزانیمن ئەگەر بوکوشەگە یەک کەسە یا زیاتر، بەڵکم دەسنریا بان دوو چەک لە ماڵەگە ک لە کوشتنەگان وەکار هاوریانە وەگەرد مەخزەنەیل چووڵیگ.