شەفەق نیوز/ ئیدارەی سەروەخوەیی سۆران لە هەرێم کوردستان، ئمڕوو چوارشەممە، راگەیان زیاتر لە ٢٠ هەزار گەشتیار سەردان ناوچەی گەلی عەلی بەگ و ئەو ناوچەیل گەشتوگوزاری لە سۆران کردنە، وتیش: شمارەی گەشتیارەیل وەردەوامە لە زیادبوین.
وەڕێەوبەرایەتی گەشتوگوزاری لە ئیدارەی سۆران لە بەیاننامیگ رەسیە ئاژانس شەفەق نیوز وت: ئمڕوو چوارشەممە سێیەم رووژ جەژن نزیکەی ٢٠ هەزار گەشتیار روسینە ناوچەی گەلی عەلی بەگ و ئەو ناوچەیل گەشتیاری لە سۆران.
وتیش: یەیش لە وەختیگ تیەێد ک وەڕێەوبەرایەتی گشتی گەشتوگوزاری هەولێر وەرجە جەژن بڕیگ ریکار تایبەت وە پیشوازیکردن لە گەشتیارەیل ناوخۆیی و لەو ناوچەیل عراق برد ک کەفنە بەرژەوەنی گەشتیارەیل.
وتیش: گشت ناوچەیل پارێزگای هەولێر و سۆران و چۆمان و کۆفی فیلا و ئەو ناوچەیلتر پڕ لە گەشتیار بوین و هیمان پیشوازی لەلیان کەێد.