شەفەق نیوز ـ وەدویاچگن

وەڕێوەبەرایەتی پۆلیس گەرمیان، ئمڕوو سێشەممە، دەسگیرکردن کابرایگ راگەیان کە ماوەی چەن ساڵیگە وە ناوەی ژنەو پویل لە مەردم وەرگرێد.

وەڕێوەبەرایەتیەگە لە بەیاننامەیگ راگەیان، بەش نەهیشتن تاوان توومەتباریگ تەمەن 45 ساڵ دەسگیرکرد، کە زیاتر لە 6 ساڵ بوی لە تووڕە کۆمەڵایەتیەیل وە ناو ژن و هەڕەشە بڕە پویل فرەیگ لە هاوڵاتیەیگ وەرگردبوی.

وەپای بەیانامەگە، دەسگیرکردنەگە وەپای مادەی 452 بوی و توومەتبار دان وە تاوانەگەی دانا، و پۆلیس لە زەردمەنەیلتر داواکەێد ئەرا توومارکردن داد سەردان وەڕێوەبەرایەتیەگە بکەن.