شەفەق نیوز/ کەشناس شاڵاو هیدایەت، ئمڕوو شەممە، مەزەنەکرد ناوچەگە لە ماوەی مانگ ئایندە کانوون دویەم ئایندە تا ماوەی هەفتەی دویەم هەمانگ مانگ کەفێدە وەر کاریگەری کەشوهەوای چامدار و وارانییگ کە وە ئەرێنی وەسفیکرد، دیاریکرد لە هەفتەی دویەم تا نیمەی مانگ واران خاسیگ ناوچەگەمان گرێدەو وەگەردیا لە ناوەن شارەیل هەرێم کوردستان وەفر وارێد.
هیدایەت لە پۆستیگ لەبان تووڕ کۆمەڵایەتی "فەیسبووک" راگەیان، لە هەفتەی یەکەم مانگ کانوون دویەم تا هەفتەی دویەم هەمان مانگ، وە مدوو داوەزیان پاڵەپەستۆی نزم ئایسلەندا کە لە ئەورەوپاوە تێد بارودۆخیگ چامدار و وارناوی ئەرێنی لە ناوچەگەمان دروسکەێد.
وتیش، وەپای مەزەنەیل ئیسە، بارستە وای سەرد قایمیگ هەس کە لە هەفتەی دویەم بوودە هووکار وەفر وارین لەناوچە فراوانەیل تا ناوەن شارەیلە.