شەفەق نیوز ـ وەدویاچگن

وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو سێشەممە، مەزەنەیل کەشوهەوای 48 ساعەت ئایندەی هەرێم راگەیان.

وەڕێوەبەرایەتیەگە لە بەیاننامەیگ راگەیان، ئمڕوو ئاسمان ساماڵە وەرد ئەگەر بەرزەوبوین تەپوتوز لە وەخت ئیوارە و شەو لە ناوچەیل ناوڕاس و خوەرهەڵات هەرێم و کەرکوک و گەرمیان، و تونی وا یەواش تا ناوڕاسە لە دویای نیمەڕوو گورجەوبوود ئەرا بان 20کم/س.

لەباوەت پلەی گەرمی ئمڕوو دیاریکرد، پلەی گەرمی وە  ( 2 – 3 ) پلە بەراورد وە توومارەیل دویەکە داوەزێد کە بەرزترین پلەی مەزەنەکریاگ ئمڕوو سێشەممە: "هەولێر 37 پلەی سیلیزی، پیرمام 34 پلە، سلێمانی 37 پلە، هەڵەبجە 39 پلە، چەمچەماڵ 38 پلە، دهۆک 36 پلە، زاخۆ 37 پلە، ئاکرێ 37 پلە، گەرمیان 41 پلە و حاجی ئۆمەران 25 پلەی سیلیزی".

دیاریکرد سوو چوارشەممە "ئاسمان ساماڵ بوود وەگەرد پەیدابوین بڕیگ لەکە ئەور ە وەخت ئیوارە وەگەرد ئەگەر تەپوتوز سووک لە وەخت شەوەکی، پلەی گەرمی کەمیگ نزمترەوبوود بیجگە لە پارێزگای دهۆک جویر توومارەیل  ئمڕوو مینێد.

بەرزترین پلەی گەرمی مەزەنەکریاگ ئەرا سوو چوارشەممە: "هەولێر 36 پلەی سیلیزی، پیرمام 33 پلە، سلێمانی 36 پلە، هەڵەبجە 37 پلە، چەمچەماڵ 36 پلە، دهۆک 36 پلە، زاخۆ 37 پلە، ئاکرێ 37 پلە، گەرمیان 40 پلە و حاجی ئۆمەران 24 پلەی سیلیزی".