شەفەق نیوز/ وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو سێشەممە، کەشوهەوای دوو رووژ دیاریکرد.
کەشناسی لە بەیانامەیگ رەسیە ئاژانس شەفەق نیوز راگەیان، "ئمڕوو ئاسمان ساماڵە وەرد دروسبوین بڕگی لەکە ئەور و پلەی گەرمی وە (1-2) پلەی سیلیزی بەرزەوبوود" ئاشکەرایکرد "سوو چوارشەممە، ئاسمان ساماڵ و لەکە ئەورە، هاتێ تەپوتوز بەرزەوبوود لە بەشیگ لە ناوچەیل باشوور کەرکوک و ئیدارەی سەربەخۆی گەرمیانو پلەی گەرمی نزیکە لە توومارەیل ئمڕوو".
بەرزترین پلەی گەرمی مەزەنەکریاگ وە پلەی سیلیزی:
هەولێر : 30
سلێمانی : 27
دهۆک : 29
کەرکوک : 30
هەڵەبجە : 28
زاخۆ : 30
سۆران : 27
حاجی ئۆمەران : 19
گەرمیان : 31.