شەفەق نیوز/ پۆلیس گەرمیان، ئمڕوو پەنجشەممە، پویچەڵکردن تەقەلای خوەیکوشتن گەنجیگ لە قەزای کەلار راگەیان،  لە وەختیگیش رانندەی لۆرییگ لە دەورگرد قەزاگە وە کارەبا گیانی لەدەسدا.  

موقەدەم عەلی جەماڵ قەدوری وەڕیەوبەر راگەیانن وپەیوەندیەیل لە پۆلیس گەرمیان ئەرا ئاژانس شەفەق نیوز وت: دەزگا ئەمنیەیلە لەبان ئاگەدارکردنیگ لەلاین هاووڵاتییەیل، تەقەلای خوەیکوشتن لەلاین پیاویگ لەداڵگبوی ١٩٨٧ پوچەڵ کرد، ک پیاوەگە لە گەڕەک رزگاری لە قەزای کەلار خوازیە خوەی بەێدە سێدارە.  

قەدوری وتیش: فریاکەفتن وهیزەیل ئاسایش پیاوەگە وزەخمداری رەساننە خەسەخانەی کەلار، ئیجا وەرەو خەسەخانەی سلێمانی، ولێکوڵینەوە لە رویداوەگە واز کریا.     

لە رویداویگتر، قەدوری وتیش: رانندەی ماشینیگ بارهەڵگر (گەڵابی) مەوقەی بەرزکردن پشت ماشینەگەی لە ناوچەی گردە گۆزینە لە کەلار گیانی لەدەسدا.  

وتیش: پشت ماشینەگە دریا قەی وایەرەیل کارەبا، ورانندەگە ئاگای نەویە. 

وتیش: تەرم رانندەگە ئەرا خەسەخانەی کەلار بریا، و دەسەڵاتەیل ئاسایش لێکۆڵینەوە لە رویداوەگە واز کردن.