شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، سەرەخوەشی لە کەسوکارەیل قوربانیەیل ئەو پەلامار تیرۆریە کرد لە دووزخورماتوو، و دووپات کرد کە هیمان تیرۆر هەڕەشەی لە گشت عراق وەردەوامە.

بارزانی لە بەیاننامەیگ رەسیە ئاژانس شەفەق نیوز وت: پرسە و سەرەخوەشی لە خیزانەیل شەهیدەیل ئەو پەلامار تیرۆریە کەم کە ئمڕوو لە دووزخورماتوو رویدا، کە مەوقەی تەقانن بومبیگ دانریاگ وەبان ماشین لیوای هاوبەش لە پیشمەرگە و سوپای عراق تەقیەو، و بویە هوکار شەهیدبوین سێ ئەفسەر.

وتیش: ئی کردەوەی تیرۆریە ئەوە چەسپنێد کە هیمان تیرۆر هەڕەشەی راسیانە وەبان ئاشتی و ئارامی عراق و هەرێم کوردستان و ناوچەگە وەکشتی دروس کەێد، و ماڵ هاوڵاتیەیل لە ناوچەیە مادەی ١٤٠ وە تایبەت.

  نێچیروان بارزانی دووپات کرد لەبان گرنگی وەردەوامی قایمکردن هەماهەنگی هاوبەش ناوەین هیزەیل پیشمەرگە و سوپای عراق و هاوپەیمان ناودەوڵەتی ئەرا جەنگ و شکستهاوردن داعش.