شەفەق نیوز/ سامان بەرزنجی وەزیر تەندروسی هەرێم کوردستان، ئمڕوو سێشەممە، وت: هەڵوێست ئیسەی پەتاگە نێخوازێد دووارە قەیەغەی هاتووچگن لە ناوچەو شارەگان هەرێم بچەسپیەێد.
بەرزنجی لە کۆنگرەیگ رۆژنامەوانی ئمڕوو لە هەولێر لە لێدوانەگەی لە دووارە چەسپانن قەیەغە و کەرەنتین لەلایەن حکومەت فیدڕاڵی لەوەر بەرزەوبوین رێژەی تووشهاتنەگان وە کۆڕۆنا هات، و لەسای بڵاوبوین بنچینە نووەگەی لە عراق.
وەزیرەگە وت: بەرزەوبوین رێژەی تووشهاتنەگان کۆڕۆنا لە هەرێم پەیوەندی وە دووارە وازکردن مەکتەوەگان و هاتنەوەی دەوام لە چینەیل خوەنەواری نەیرێد، چوونکە ڤایرۆسەگە هەر لەناو کۆمەڵگاگە هەسەی، و ئاماژە کرد ک رەوشەگە لە هەرێم نەڕەسیەسە قۆناغ بڕیاردان دووارە چەسپانن قەیەغەی هاتووچگن.
وەزیرەگە باس لە هەڵوێست مەکتەوەگان کرد و وت: رەوشەگە ئارامە و تووشهاتنەیلیگ هەس وەلی نەڕەسیەسە قۆناغ مەترسی.