شەفەق نیوز - سەڵاحەدین

ئمڕوو دووشەممە، لە قەزای دوزخورماتوو، داڵگ حەلاوە عەلی، یەکیگ لە داڵگەیل قوربانییەیل پڕۆسەی ئەنفال و رزگاربوی لە بەندیخانەی نوگرە سەلمان، لەدویای کووچ درێژیگ لە دەرد و جودایی کە نزیکەی 38 ساڵ، کووچ دویایی کرد.

سەرچەوەیگ پزیشکی ئەرا ئاژانس شەفەق نیوز وت: داڵگ حەلاوە عەلی، کە تەمەنی 82 ساڵ بوی، ئمڕوو لە قەزای دوزخورماتوو لە پارێزگای سەڵاحەدین کووچ دویایی کرد، لەدویای ساڵەیل دروێژیگ لە ژان و رەنج  لەپای لەدەسدان رووڵەیلی کیشا، تا وە کووچکردنی لاپەڕەیگ لە وەسەرهات داڵگەیلیگ بەسا کە لەسای کارسات ئەنفال زندگی کەن، و ئەو کارەسات مرۆییەیلە  ک لەدویای خوەی وەجی هێشت و هێمان شوێنەوارەیلی لە هویرەوەریەیل  عراقی دیارە.

دیاری کرد، داڵگەگە هەفت روڵەی خوەی لەدەس دا، کە  شەش کوڕ و دویەتیگ، کە لە وەخت کۆمەڵکوژییەیل ئەنفال شەهید بوین.