شەفەق نیوز ـ هەولێر
وەزارەت دارایی و ئابووری لە هەرێم کوردستان، ئمڕوو شەممە، راگەیان لە سوو یەکشەممە (30ی ئاب) دەس وە بەشەوکردن مووچەی مانگ تەموز/یۆلیۆی گوزەشتە کەێد ئەرا چەن چینیگ لە مامۆستایەیل و فەرمانبەرەیل هەمیشەیی و گرێبەس، لە یەکشەممە (30ی ئاب).
راگەیانن وەزارەتەگە لە بەیاننامەیگ رەسیە ئاژانس شەفەق نیوز، راگەیان پرۆسەی خەرجکردن مووچەی مامۆستایەیل وانەبێژ (گرێبەس) لە وەزارەتەیل پەروەردە و خوێندنی باڵا و توێژینەوەی زانستی گرێدەو.
لە بەیاننامەگە هاتیە خەرجکردن پویل ئەو فەرمانبەرەیلەش گرێدەو کە دویای 1ی تەموز/یۆلیۆی 2024 وە شێوەی گرێبەس یا لەبان مولک هەمیشەیی لە دامەزراوە فەرمییەیل جوراوجویر هەرێم دامەزریانە، کە مافە داراییەیل ئەوان لە داهاتە ناوخۆییەیل هەرێم کوردستان دریەن.