شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە کۆبونەوەیگ ئەمنی ناوبەین سوپا و پێشمەرگە، لە قەزای خانەقین سه‌ر وه پارێزگای دیالە. ئەیە یەکەمین کۆبونەوەس لە ناوبەین هەردوگلاگە لە وەخت کیشانەوەی پێشمەرگە لە ٢٠١٧ لە پشت ناکۆکیەگان وەهووکار ریفڕاندۆم.
سەرچەوەگە ئەرا ئاژانس شەفەق نیوز وت: فەرماندەی ئۆپراسیۆنەگان دیالە وە سەرپەرشتی لیوا روکن غەسان عەزاوی فەرماندەی ئۆپراسیۆن دیالە، کۆنگرەیگ ئەمنی فراوانیگ لە قەزای خانەقین بەسا، ك ژمارەیگ لە فەرماندەیل پێشمەرگە و فەرماندەی فیرقەی پەنجم پیادە لەناوی بوی.
وتیش: کۆبونەوەگە ئەرا باسکردن لە بووشاییە ئەمنیەگان و شیوەیل هاوکاری ئەمنی هاوبەش و چەسپانن سنور ناوبەین هێزە ئەمنیەگان و پێشمەرگە بێ، ئەرا ئەوەگ ری نەکریەێدەو لەنوای کۆمەڵە تیرۆرستەگان پەلامار بیه‌ن، وئەرا لەناوبردنیان.