شەفەق نیوز/ 27 کەس گیان لەدەسدایە و 122 کەسیش زەخمدار بویە وە زیاتر لە 100 رویداو هاتوچو لەبان ری "کەلار-دەربەندیخان" ، و " دەربەندیخان-زەرایەن" لەماوەی 11 مانگ گوزەشتە.
وەگورەی ئامارەیل ک وەدەس ئاژانس شەفەق نیوز کەفتیە لە وەڕێەوبەرایەتی هاتوچو گەرمیان و دەربەندیخان، 102 رویداو هاتوچو رویدایە لەبان ری کەلار ئەرا سلێمانی لەماوەی 11 مانگ گوزەشتە (لەسەر ساڵ تا کۆتایی تەشرین دویەم 2022)، 149 کەس مردنە و زەخمداربوینە.