شەفەق نیوز/ وەڕیوەبەرایەتی پۆلیس دارسانەیل و ژینگەی سلێمانی، ئمڕوو یەکشەممە، دەسگیرکردن چوار کەس وە توومەت داربڕین راگەیان.
وەڕیوەبەرایەتیەگە لە بەیاننامەیگ راگەیان، " لەدویای وەرگردن خەوەر و زانیاری لەبان داربڕین لە سنوور مێرگەپان لە ئاوای سێکانیان، دەسوەجی مەفرەزەیگ بنکەی پۆلیس مێرگەپان وە سەرپەرشتی ئەفسەر بنکە دەرچین وە دەم خەوەرەگە، لە ئەنجام لە ئاوای (هۆمەر قەوم) وە هاوکاری ئاسایش سورداش توەنریا دەسبگیرێد وەبان ماشینیگ دوو تەنی دار بڕیاگ و چوار هاوڵاتیەیگ وە توومەت دار سرووشتی دەسگیرکریا".
ئاشکەرایکرد " کاغەز لێکۆڵینەوە وازکریاگە درێدە دادوەر ئەرا وەرگردن رێکار یاسایی".