شەفەق نیوز/ وەرپرسیگ حکومەتی لە هەرێم کوردستان، ئمڕوو پەنجشەممە، راگەیان؛ بەرزەوبۊن ئەمارەیلەی بەنداو دەربەنیخان وە رێژەی زیاتر لە 40% لە سەرەتایەیل وەرز زمسان.   

رەحمان خانی وەڕێەوبەر بەنداو دەربەندیخان وە ئاژانس شەفەق نیوز وت، رێژەی بەنداوەگە لە ناوراس کانون یەکەم گوزەشتە بەرزەوبۊیە لە 3م ئەرا 5م و نیم وە چەن داهاتیگ ناوخوەیی هەرچەن کەمە، و شایەت رێژەی ئاو بەنداوەگە لە کۆتایی وەرز ئەمارکردن مانگ ئایار ئایندە بەرزەو بوود، خوازینەیل سەرەتایی دەستەوەر بکەێد، کۆتایی وە بەشیگ گەورە لە کەمئاوی بارێد. 

وتیش، ئەمارەیل بەنداوەگە نەڕەسینەسە ئاست سروشتی لە پارەکە لەبان بەرزەوبۊن رێژەگەیش، لەوەر بڕین سەرچەوەیل ئاوی وە لایەن ئیران و رەسیە رێژەی 70%. 

و ئومید وە بەرزەوبۊن رێژەی ئاو بەنداوەگە دیرێد لە سێ مانگ ئایندە ک وەرز ئەمرکزدن وەهارەس.  وەرپرسەیل ئیران ئۊشن،  ئیران لەوەر  دروسکردن بەنداو ئەمارەیلە و ئاڵشتکردن ڕێڕەوی لافاو لە ناوچەیل خوەی داهات ئاو و لافاو لای عراق بڕیە. 

باسکرد، بەنداو دەربەندیخان وێستگەیگ وەرهەمهاوردن کارەبایی دیرێد کەفێدە نزیک دەربەندیخان لە پارێزگای سلێمانی لە هەرێم کوردستان عراق. 

بەنداوەگە لەبان چەم دیالە دروسکریاگە، و سەنگ بنەڕەتەگەی لە سال1956 دانریاگە وەشیوەی فەرمی لە 27 کانوون دۊیەم 1961 وازکریایە،  دەریاچەی دەربەندیخان داهات ئاوی ئەرا چەن پارێزگایگ دابین کەێد.