شەفەق نیوز/ سکێرتێر ئەنجومەن وەزیرەیل هەرێم کوردستان ئامانج رەحیم راگەیان سەرۆک کۆمار ئمڕوو سێشەممە، یاسای ئاڵشتکردن هەلەبجە وە پارێزگایگ سەروەخوەی پەسەن کەێد، لە پەنج ئایار ئایندە چوودە جیوەجیکردن و بوودە 19هەمین پارێزگای عراق.

ئامانج رەحیم لە پۆستیگ لەبان حساو فەرمی خوەی لەبان تووڕ کۆمەڵایەتی فەیسبووک کە ئاژانس شەفەق نیوز دیەسێ راگەیان، "یاسای ئاڵشتکردن هەلەبجە ئەرا پارێزگا لە کۆمار فیدڕاڵی عراق  ئمڕوو وەلایەن سەرۆک کۆمار پەسەن کرێد، بڕیاڕە لە رووژ؟دووشەممەی ئایندە لە رووژنامەی فەرمی  (الوقائع العراقية) رابگەێنیەد".

ئاشکرایکرد، "وەپای مادەی چوار لە یاسا، یاساگە لە رووژ بڵاوکردنی لە رووژنامەی فەرمی چوودە جیوەجیکردن کە رووژ دووشەممە بڕوار  5 ئایار/مايو 2025، کە پارێزگای هەلەبجە بوودە نۆزدەهەمین پارێزگای عراق".

لای خوەیشەو سەرۆک کۆمار عەبدولەتیف جەمال رەشید یاسای وە پارێزگارکردن هەلەبجە پەسەنکردیە.