شەفەق نیوز - هەولێر
نێچیرڤان بارزانی، سەرۆک هەرێم کوردستان، ئمڕوو شەممە، پیرووزبایی لە شار سلێمانی کرد وە بۆنەی 242ـەمین ساڵیاد دامەزراننی.
نێچیرڤان بارزانی لە بڵاوکريايیگ لەبان پلاتفۆرم "ئێکس" نۊسان، "گەرمترین پیرووزباییەیل پيشکەش وە سلێمانی کەم، مەڵوەن ئەدەب و هونەر، و پایتەخت رووشنهویری، و وە گشت دانیشتگەیل ئازیزی".
وتيش کە "هەمیشە سلێمانی مەڵوەنیگ بۊە ئەرا داهێنان و خەبات ئەرا گەل کورد"، وە نشاندان ئومیدەیلی ئەرا "گەشەپیدان و پبشکەفتن و ئاشتی زیاتر ئەرا سلێمانی و گشت کوردستان".
شار سلێمانی لە تشرین دۊەم/ نۆڤەمبەر 1784 لەبان دەس میر کورد ئیبراهیم پاشا بابان، میر میرنشین بابان، دامەزریایە، و دامەزرانن شارە نووەگە هات تا بوودە پایتەختیگ جیگر ئەرا پایتەخت میرنشین بابان کۊنە (قەڵاچوالان)، و یەیش لەوەر فرەیی جەنگ و ململانێیەیل لە ناوەین دەوڵەت عوسمانی و دەوڵەت سەفەوی لە نزیک ناوچە کۊنەگە، و شارەگە ناوی نریا "سلێمانی" لەبان ناو باوگی سلێمان پاشا بابان.