شەفەق نیوز/ سەرچەوەیگ ناوخوەیی، ئمڕوو جمعە، خەوەردا لە کوشیان ئەندامیگ پیشمەرگە لە ئەنجام گورزیگ تورکیا وەبان ناوچەی سیدەکان باکوور پارێزگای هەولێرە پایتەخت هەرێم کوردستان.
دکتۆر کاروان فەیسەڵ وەڕیووبور تەندروسی سیدەکان ئەرا ئاژانس شەفەق نیوز وت: تەرم کەسیگ رەسل خەسەخانە لە ساعەت ٦:٠٠ شەوەکی ئمڕوو، کە سەربازیگ بوی لە هیزەیل پێشمەرگە و کەفتە وەر گورزەگە.
وتیش؛ ئەو کەسە کە کوشیاگە دویەشەو کەفتە وەر گورزەگە و زەخمدار بوی وەلێ وەپییان نەکریا بڕەسننەی خەسەخانە، و دیاری کرد کە قوربانیەگە ناوی (سەروەر قادر)ە لە تەمەن ٤٦ ساڵە و ژن و سێ مناڵ دیرێد.