له به‌ياننامه‌ى حكومه‌ت هه‌رێم ك (شه‌فه‌ق نيوز)ئاگادارى بوى، هاتگه: له رووژ 29/7/ 2015 لويله‌ى جيوازكردن نه‌فت هه‌رێم كوردستان له ناوچه‌ى شه‌رناخ له‌ناو مه‌رز توركى ته‌قياوه‌و دوياى ئه‌وه‌يش هيزه‌يل پاسه‌وان ملله‌ت HPGسه‌ر وه پارت كارگه‌ره‌يل كوردستان وه‌رپرسيارێتى ئه‌و په‌لاماره گرته خوه‌ى.
به‌ياننامه‌گه يه‌يش ده‌رخست ك حكومه‌ت و ملله‌ت كوردستان له قه‌يرانيگ ئابوورى ژيه‌ن وه بوونه‌ى برين بودجه و مووچه‌ى كارمه‌نده‌يل هه‌رێم له‌لايه‌ن حكومه‌ت ناوه‌نديه‌و له به‌غداو ئى لويله‌يل نه‌فتيه سه‌رچه‌وه‌ى سه‌ره‌كى قووت ملله‌ت كوردستان و مووچه‌ى پێشمه‌رگه‌س ك جه‌نگ داعش ئه‌كاو له هه‌مان وه‌خت سه‌رچه‌وه‌يگ داهات حكومه‌ت هه‌رێمه وه‌خاتر ده‌سميه‌تداين يه‌ك مليۆن و 800 هه‌زار كووچبه‌ر له‌ناو كوردستان.
جى باسه، به‌ياننامه‌گه هه‌ميش وت: وه تونى شه‌رمه‌زار ئى په‌لامار پارت كارگه‌ره‌يل كوردستانه ئه‌كه‌يم ئه‌را بان قووت ملله‌ت هه‌رێم و هيزه‌يل پێشمه‌رگه و ژيان كووچبه‌ره‌يل و جوور ره‌فتاريگ ناوه‌رپرسانه زانيمنه‌ى و هويچ مانايگ نه‌يريد بيجگه ده‌سوه‌شانن له ئابوورى هه‌رێم كوردستان و داوايش له په‌كه‌كه ئه‌كه‌يم جاريگتر ئى ده‌سدريژيه ئه‌را بان ملله‌ت هه‌رێم كوردستان دوباره‌وه نه‌كا.