شه‌فه‌ق نيوز/ حكومه‌ت هه‌رێم كوردستان، باس له‌وه كرد بڕيار داگه ده‌س بكاده دابه‌شكردن مووچه‌ى كارمه‌نده‌يل، ئه‌ويش وه گووره‌ى توانايه‌يليگ له‌وه‌رده‌س.
له‌ى باوه‌ته‌و، حكومه‌ت هه‌رێم له به‌ياننامه‌يگ ئه‌را شه‌فه‌ق نيوز وت: ئه‌و شانده ك قوباد تاڵه‌بانى سه‌رۆكايه‌تى كرد ئه‌را به‌غدا له هه‌فته‌ى گوزه‌يشت نمايش ته‌واويگ له‌باره‌ى سه‌ردانه‌گه‌ى ئه‌را به‌غدا خسته‌سه‌ڕوێ و جه‌خت كردگه له‌لان وه‌رده‌وامى گفتگووه‌يل وه‌ل حكومه‌ت ناوه‌ندى له‌وه‌ر زه‌مانه‌ت و ده‌سه‌وه‌ركردن مافه‌يل هه‌رێم كوردستان و شايسته‌يل ده‌ستووريه‌گه‌ى.
له دانيشتن شانده‌گه‌يش باس له مووچه‌ى كارمه‌نده‌يل كرياو سه‌رۆكايه‌تى حكومه‌ت هه‌رێميش بڕيار دا ده‌س بكريه‌ێده دابه‌شكردن مووچه وه‌گووره‌ى توانايه‌يل ئيسه‌ى هه‌رێم جوور ئه‌وه‌گ له به‌ياننامه‌گه ئاماژه وه‌پى كرياگه.