شه‌فه‌ق نيوز/ وه‌زاره‌ت په‌روه‌رده له حكومه‌ت هه‌رێم كوردستان، بڕياردا رێ وه مامۆستايه‌يل و ده‌رسده‌ره‌يل له‌بان مه‌لاك په‌روه‌رده بدريه‌ێد ده‌رس له باخچه‌ى ساوايه‌يل و خوه‌ندنگاو په‌يمانگايه‌يل ئه‌هلى بيه‌ن وه چه‌ن مه‌رجيگ و رێگه‌يش دا وه كارمه‌ند ده‌وام بكا له خوه‌ندنگاو په‌يمانگايه‌يل ناحكومى له‌شوون كووتايى ده‌وام فه‌رمى.
وه‌گووره‌ى بڕياره‌يل وه‌زاره‌ت په‌روه‌رده، رێ وه مامۆستايه‌يل وه‌زاره‌ته‌گه ئه‌دريه‌ێد جيواز بدێ وه سيستم خواستن ئه‌را باخچه‌ى ساوايه‌يل و خوه‌ندنگايه‌يل و په‌يمانگايه‌يل ناحكومى ك وه‌و مه‌رجه ماوه‌ى خواستنه‌گه له په‌نج ساڵ زياتر نه‌دێ و وه‌مه‌رجيگ ك ده‌رس گشت به‌شه‌يل خوه‌نين بيه‌ێد له خوه‌ندنگا يا په‌يمانگايه‌يل.
بڕياره‌گه باس له‌وه‌يش كرد كارمه‌نده‌يل مه‌لاك وه‌زاره‌ت په‌روه‌رده‌يش ئه‌تويه‌نن كار له باخچه‌ى ساوايه‌يل و خوه‌ندنگاو په‌يمانگايه‌يل ناحكومى بكه‌ن وه‌و مه‌رجه ك دوياى كووتاييهاتن ده‌وام فه‌رمى بدێ نه‌ك له‌وه‌خت ده‌وام فه‌رمى له سه‌عات هه‌يشت شه‌وه‌كى تا سه‌عات يه‌ك دوياى نيمه‌ڕوو.