شه‌فه‌ق نيوز/ ئه‌يدن مه‌عروف وه‌زير هه‌رێم ئه‌را كاروبار پيكهاته‌يل له حكومه‌ت هه‌رێم كوردستان، وت: ياساى شماره 5 باس له مادده‌ى 3 ئه‌كا وه ئه‌وه‌گ حكومه‌ت پابه‌نده وه په‌ره‌داين وه زووان پيكهاته‌يل و باس له‌وه‌يش كرد له‌ى چوارچيوه‌ى حكومه‌ت مه‌يل ئه‌را وازكردن و وجوود ئه‌كاديميايگ ئه‌را زووانه‌يل توركمانى و سريانى شان وه‌شان ئه‌كاديمياى كوردى ديرێد.
مه‌عروف له‌لێدوانيگ ئه‌را ئه‌نادۆڵ، وت: دانيشتنيگ تايبه‌ت وه وازكردن ئه‌كاديمياى توركمانى ساز كرياگه ك جوور وه‌زير هه‌رێم ئه‌را كاروبار كه‌مينه‌يل وه‌رجه دو رووژ وه‌ل پيكهاته‌ى سريانى دانيشتگه وه‌تايبه‌ت وه‌ل ريكخرياگه‌يل كۆمه‌ڵگاى مه‌ده‌نى و په‌رله‌مانتاره‌يل و رووشنهويره‌يل و فكره‌يگ خرياسه روێ ئه‌را دامه‌زرانن ليژنه‌يگ ك نوێنه‌رايه‌تى مه‌سيحيه‌يل و توركمان بكا له‌وه‌ر خاتر تاووتوێكردن پرووژه‌يليان وه وازكردن ئه‌كاديميايگ تايبه‌ت وه‌پيان و پيشكه‌شكردنى ئه‌را كوردستان.
ئايدن له‌باره‌ى ماف پيكهاته‌يليش وت: ياساى شماره 5 له مادده‌ى 3 باس له‌وه ئه‌كا حكومه‌ت پابه‌نده وه په‌ره‌داين وه زووان پيكهاته‌يل و دانيشتنه‌گه‌يش له‌و چوارچيوه ئه‌نجام درياگه‌و وه‌زاره‌ته‌گه‌يش خوازياره وه‌ل ئه‌كاديمياى كوردى ئه‌كاديميايگ توركمانى و سريانييش واز بكا.